Friday, November 10, 2017

Infotel 2017 සමග එක් වූ භාෂා හෙළකුරු අත්දැකීම...


ශ්‍රී ලංකාවේ ප්‍රමුඛතම හා පැරණිතම තොරතුරු තාක්ෂණ මංගල්‍යය වන ඉන්ෆොටෙල් තාක්ෂණික ප්‍රදර්ශනය මෙවරත් සුවිසල් ජනතා සහභාගිත්වයක් සහිතව පසුගියදා නිමාවට පත්විය. නොවැම්බර් මස 02 වැනිදා සිට 05 වැනිදා දක්වා, කොළඹ බණ්ඩාරනායක සම්මන්ත්‍රණ ශාලා පරිශ්‍රයේ දී මෙය පැවැත්වුනු අතර, 1992 සිට නොකඩවා සංවිධානය කරනු ලබන Infotel  ප්‍රදර්ශනය මෙවර පැවැත්වුනේ 25 වැනි වරටයි. අප භාෂා ආයතනය සුපුරුදු පරිදි මෙවරත් Infotel හා සම්බන්ධ වුනේ නිළ ජංගම තාක්ෂණ සහකරු ලෙසයි.



ප්‍රදර්ශනය නැරඹීමට පැමිණෙන මහජනතාවගේ පහසුව තකා Infotel 2017 පිළිබඳ තොරතුරු ඇතුලත් ජංගම දුරකථන යෙදුමක් ද අප විසින් නිකුත් කරනු ලැබුවා.



මෙරට ප්‍රමුඛ පෙළේ තොරතුරු තාක්ෂණ සමාගම් මෙන්ම නැගී එන සමාගම් (Startup) රාශියක් මෙවරද Infotel ප්‍රදර්ශණය හා සම්බන්ධ වී සිටියා. එ් අතරින් සුවිශේෂී වූ අවධානයක් දිනා ගන්නට භාෂා හෙළකුරු ප්‍රදර්ශන කුටිය සමත් වුනා. සිරිමාවෝ බණ්ඩාරනායක පරිශ්‍රයේ B ශාලාවේ පිහිටා තිබුණු ප්‍රදර්ශන කුටි අතරින් SLT Mobitel ප්‍රදර්ශන කුටිය හා හෙළකුරු ප්‍රදර්ශන කුටිය වැඩිම ජනතා ආකර්ශණයක් දිනා ඇති බව දක්නට තිබුණා.



Infotel 2017 ප්‍රදර්ශනයේ දී භාෂා අපේ ප්‍රදර්ශන කුටිය වෙන්කර තිබුනේ මිලියන තුනක් වූ අපේ පරිශීලකයින් වෙනුවෙන්මයි. සුවිශේෂී නිමාවකින් හා සැලසුමකින් යුතුව ඉදිකර තිබුණු දැවැන්ත පීඨිකාව බොහෝ දෙනාගේ පැසසුමට ලක්වුනා. බොහෝ හෙළකුරු පරිශීලකයින් ඒ පීඨිකාව මතට නැගී සමරු ඡායාරූප ගන්නා ආකාරය අපට බොහෝ ආඩම්බරයට කාරණාවක් වුනේ, හෙළකුරු යන නිපැයුම සන්නාමයක් ලෙසින් ශ්‍රී ලාංකීය ජන සමාජයට කෙතරම් බලපෑමක් කර ඇත්දැයි යන කාරණය ඇස් පනාපිටම දකින්නට ලැබුණු නිසායි.



පෙර වසර වලදී මෙන්ම, මෙවර Infotel උළෙලෙහි දීත් අපි විශේෂයෙන් අවධානය යොමු කළේ හෙළකුරු ඇතුළු භාෂා නිපැයුම් භාවිතා කරන පරිශීලකයන් හා සජීවීව සම්බන්ධ වීමට ලැබෙන අවස්ථාව කෙරෙහියි. එය භාෂා අපට බොහෝ වැදගත් වන අතර, Infotel 2017 පැවැති දින හතර පුරාවටම පරිශීලකයින් බොහෝ දෙනෙක් අප භාෂා කණ්ඩායම හමුවී අදහස් හුවමාරු කර ගනු ලැබුවා.



Infotel භාෂා හෙළකුරු කුටියේ වැඩිම ජන සහභාගිත්වයක් පැවතුනේ "අකුරු කෙළිය" නමින් අප පැවැත්වූ ඉසව්ව වෙතයි. හෙළකුරු ත්‍රෛමිලියන සම්ප්‍රාප්තිය වෙනුවෙන් භාෂා ලංකා සමාගමෙන් ඔබට පිරිනැමුණු තිළිණය වන අකුරු කෙළිය නම් වූ දුරකථන ක්‍රීඩාවේ වැඩි දියුණු කළ ආකාරයක් ලෙසින් Infotel අකුරු කෙළිය ඉසව්ව ඉදිරිපත් කරන්නට යෙදුණා. හෙළකුරු යතුරු පුවරුවෙන් සිංහල අකුරු ටයිප් කිරීමෙන් සිදුකළ යුතු ක්‍රීඩාවක් වූ මෙය ද්වන්ද සංග්‍රාමයක් හෙවත් දෙදෙනක් අතර සිදුවන තරඟයක් ලෙසින් පැවැත්වුනා. මේ සඳහා සහභාගි වූ අයට හෙළකුරු ස්ටිකර් හා මග් ලබාදීම ද හෙළකුරු ප්‍රදර්ශන කුටියේදී සිදු කෙරිණා.






හෙළකුරු ප්‍රදර්ශන කුටිය වෙත Infotel ප්‍රදර්ශණය නැරඹීමට පැමිණි සෑම සියළු දෙනාම පාහේ සහභාගි වනු දක්නට ලැබුණා. ඉතා කුඩා දරුවන් මෙන්ම තලතුනා වැඩිහිටියන් දක්වා සියළුම වයස් කාණ්ඩවල අය මේ සඳහා සහභාගී වීම ඉතා හොඳ ප්‍රවනතාවයක් වන්නේ සිංහල භාෂා අන්තර්ගතයන් කෙරෙහි ඇති ආකර්ශණය වැඩි දියුණු කරලීමට හෙළකුරු පුරෝගාමී වීම නිසායි. පොදු ජන සමාජයට වැදගත් වන අත්‍යාවශ්‍ය සේවාවක් සපයන නිපැයුමක් ලෙසින් හෙළකුරු නිරන්තරයෙන්ම පරිශීලක ඔබගේ අදහස් වලට කන් දීමට සූදානම්. අප හමුවී හෙළකුරු ගැන තම සිත් හි ඇති අදහස් අප හා බෙදා හදා ගත් ඔබ සැමට ස්තුතියි...!

... ෴ ෴ ෴ ...

Monday, July 3, 2017

Welcome our new Chief Technical Officer and Head of the Engineering Department.

In today’s dynamic landscape of IT based services, Bhasha Lanka Pvt. Limited has continuously stood out as innovative, strategically focused and expert consultants of the highest calibre in the local context.  Strengthening the legendary success of Bhasha Lanka, we recently announced the succession of Chamika Weerasinghe as our new Chief Technical Officer and Head of the Engineering Department.




Though Chamika was not an official of the company until today, he is a co-founder and a pioneering member of Bhasha Lanka Pvt. Limited which was established five years ago.  He always gave his best as a Director of the company fueling the thriving venture into greater heights. Dhanika Perera, our founder and Chief Executive Officer and Chamika Weerasinghe are batchmates who have been graduated from the University of Moratuwa.   Chamika comes with unparalleled knowledge and experience in IT consulting services who possess a degree with first class honours in Computer Science and Engineering.

Have helped the shape of the success of Bhasha Lanka over the years, Chamika is a force to be reckoned with who brings over 5 years’ experience in the field of Computer Science and Software Development.  With the top-rated expertise and dedication he brings to the table, Chamika is going to be a great addition to our family of Bhasha Lanka.

We, the members of Bhasha Lanka Pvt. Limited express our heartful wishes on new appointment of Chamika and warmly welcome him to tour Bhasha Lanka family.

Friday, May 19, 2017

හෙළකුරේ පරිගණකාගමණය මෙසේ සනිටුහන් වූ වගයි...!!!

මෙතෙක් කල් ජංගම දුරකථන හා ජංගම උපාංගයන්ට පමණක් සීමා වූ හෙළකුරු සිංහල යතුරු පුවරුව දැන් පරිගණක සඳහාත් භාවිතා කළ හැකි බව ඔබට දන්වන්නේ සතුටිනි...



GDG Sri Lanka කණ්ඩායමේ හා Dialog Ideamart හි මෙහෙයවීමෙන් Google I/O Extended 2017 තාක්ෂණික සමුළුව මැයි 17 වන දින දහවල් 12 සිට පසුවදා පහන් වන තුරු කොළඹ BMICH හිදී සාර්ථකව නිමාවුණි. මෙවර Google I/O Extended තාක්ෂණික ප්‍රදර්ශණය සඳහා අප Bhasha Lanka සමාගමේ ප්‍රදර්ශණ කුටියක් ද එක් කර තිබුණා. මෙවර අපේ ප්‍රදර්ශණ කුටිය වෙන් කර තිබුණේ හෙළකුරේ පරිගණකාගමනය වෙනුවෙන්. ඒ වෙනුවෙන් අප ප්‍රදර්ශණ කුටිය තුළ සුවිශේෂී වැඩසටහන් කීපයක් දියත් කරන්නට අපි කටයුතු කළා.



ප්‍රදර්ශණය සඳහා සහභාගී වූ අති විශාල මහජනකායක ගේ සුවිශේෂී ආකර්ෂණයක් මෙම භාෂා ප්‍රදර්ශණ කුටිය වෙත ලැබී තිබෙනු අපිට දකින්නට ලැබුණා. භාෂා ප්‍රදර්ශණ කුටියට පැමිණි සැවොම පාහේ උනන්දු වූයේ හෙළකුරේ පරිගණකාගමනය වෙනුවෙන් අප විසින් ඉදිරිපත් කර තිබුණු Game එක සඳහා සහභාගි වීමටයි. ලංකාවේ ප්‍රමුඛතම ජංගම දුරකථන මෘදුකාංගය වන හෙළකුරු යතුරු පුවරුව, පරිගණක භාවිතා කරන අය සඳහාත් ඉදිරිපත් කිරීම මෙහිදී සිදුවුනා. හෙළකුරු යතුරු පුවරු සහාය Google Chrome extension එකක් ආකාරයෙන් නිකුත් කිරීම ද පසුව සිදුවුනා. පරිගණක ක්‍රීඩාවක් ආකාරයෙන් ඉදිරිපත් කර තිබුණු ඉහත අංගයෙන් සිදුවූයේ අපගේ ප්‍රදර්ශණ කුටිය වෙත පැමිණෙන පරිශීලකයන් හට හෙළකුරු පරිගණකයෙන් යතුරු කිරීමට අවස්ථාව ලබා දීමයි. එ් සඳහා අප විසින් ඉදිරිපත් කර තිබූ වාක්‍ය කොටසක් නිවැරදි ව ටයිප් කළ යුතු වූ අතර, අදාල කාලය තුළ දී නිවැරදිව ටයිප් කළ සියළු දෙනාටම හෙළකුරු මග් එකක් පිරිනැමුනා. ඒ වගේම මේ තරඟයට සහභාගී වී හෙළකුරු පරිගණකාගමනය අත් විඳි සියල්ලන්ටම හෙළකුරු ස්ටිකර් ද බෙදා දීමට කටයුතු යොදා තිබුණා.

භාෂා හෙළකුරු ප්‍රදර්ශණ කුටිය වෙත පැමිණි සුවහසක් වූ ජනකායකගේ උණුසුම් ප්‍රතිචාර හෙළකුරු වෙත හිමිවුණු අතර, හෙළකුරු පරිගණකාගමනය සජීවී ව අත් විඳින්නට ලැබීම මෙන්ම, භාෂා කණ්ඩායම හමුවී අදහස් බෙදා හදා ගන්නට ලැබීම ද මහඟු අවස්ථාවක් ලෙස බොහෝ දෙනෙක් කියා සිටියා.



Bhasha සමාගමේ නිර්මාතෘ වගේම ප්‍රධාන විධායක නිළධාරී ධනික පෙරේරා ද මෙවර Google I/O Extended හිදී විශේෂ ආරාධිත දේශණයක් සඳහා ආරාධනා ලබා සිටි අතර අලුයම 4.00 ට පමණ එම දේශනය ආරම්භ විණි. හෙළකුරු ඉතිහාසය, හෙළකුරු සාර්ථකත්වයේ රහස හා නවමු නිපැයුමක් වශයෙන් හෙළකුරු හි වැදගත්කම පිළිබඳව පැමිණි සිටි පිරිසට කරුණු ඉදිරිපත් කිරීමට ධනික පෙරේරා කටයුතු කලේ ප්‍රේක්ෂකාගාරය තමා වෙත ඇද බැඳ තබා ගනිමින්. එමෙන්ම මේ දේශණය අතරතුර දී තවත් සුවිශේෂී කාරණාවක් සිදුවුනා. පළමුවැන්න නම්, හෙළකුරු සඳහා නිර්මාණය කරන ලද තේමා ගීතය දොරට වැඩීමයි. එය ලංකාවේ තොරතුරු තාක්ෂණික නිපැයුමක් වෙනුවෙන් නිර්මාණය කරන ලද පළමු වන තේමා ගීතය ලෙස හැඳින්විය හැකියි.

ඉන්පසු ව එළෙඹියේ වඩාත් සුවිශේෂී වූ මොහොතයි. සිය දේශණය අතර මැද දී භාෂා සමාගමේ නවතම එළි දැක්වීම භාෂා ප්‍රධානී ධනික පෙරේරා විසින් ඉදිරිපත් කරන්නට යෙදුනා. ඒ හෙළකුරේ පරිගණකාගමනය සනිටුහන් කරමින් Chrome වෙබ් බ්‍රවුසරය වෙනුවෙන් වූ extension එකක් ලෙසින් හෙළකුරු සහාය වෙබ් බ්‍රවුසරය වෙත ලබාදීමයි. එ් අනුව මේ දක්වා ඇන්ඩ්‍රොයිඩ් හා iOS සඳහා පමණක් වූ හෙළකුරු ජංගම යතුරු පුවරුව දැන් Windows, MacOS, Linux යන ඕනෑම පරිගණක මෙහෙයුම් පද්ධතියක් මත ද භාවිතා කළ හැකි වනු ඇත. ජංගම දුරකථනයේ දී මෙන්ම මෙම Chrome extension එකේදී ද Sinhala Phonetic හා Sinhala Wijesekara යන ආකාර දෙකෙන්ම ඔබට සිංහල යතුරු කළ හැකියි.



https://goo.gl/J5Lw5D යන වෙබ් ලිපිනය මගින් හෙළකුරු extension එක ඔබේ Chrome Browser එකටත් ලබාගන්නට පුළුවන්. හෙළකුරු Chrome extension එක තවමත් beta මට්ටමේ පවතින අතර මෙම අත්හදා බැලීමේ කාල සීමාව අවසානයේ දී, දෝෂ රහිතව වැඩි දියුණු කළ සංස්කරණයක් නිකුත් වනු ඇත. එමෙන්ම බ්‍රවුසරයට පමණක් සීමා නොවී, මුළු පරිගණකය පුරාම හෙළකුරු මගින් යතුරු කළ හැකි ආකාරයේ පරිගණක යෙදුමක් ලෙසින් ඉදිරියේදී හෙළකුරු ඔබ වෙත ගෙන එන්නට අපි සූදානම්...

Friday, May 5, 2017

හෙළ අකුරේ ඉතිහාස කතාව



සිංහල යනු ශ්‍රී ලාංකික අපගේ ආදරණීය මවු බසයි. ලොව ඇති අනේක විධ වූ සිය ගණනක් භාෂා අතරින් සුන්දරතම භාෂාවයි. ලෝකයේ අක්ෂර මාලාවන් අතරින් දෙවැනියට අලංකාරම අක්ෂර මාලාව හිමි වන්නේ ද අපේ හෙළ බසටයි. ඒ සුන්දර වූ වටකුරු අකුරෙන් ලියවෙන අපේ සිංහල භාෂාවේ ආරම්භය ගැන දැන ගන්නට ඔබත් කැමතිද ?

සිංහල අක්ෂර ක්‍රමය වඩාත් පෘථුල වූ, විශාල අක්ෂර මාලාවකින් හෙබියකි. සිංහල අක්ෂර ක්‍රමය තුල ශබ්දාක්ෂර 50 කට අධික ප්‍රමාණයක් දකින්නට ඇති නමුත්, අප එදිනෙදා ව්‍යවහාරයේදී භාවිතා කරන්නේ එයින් ශබ්දාක්ෂර 38 ක් පමණ ප්‍රමාණයකි. පුරාණ බ්‍රාහ්මී අක්ෂර මාලාවෙන් විකාශණය වී පැවතෙන සිංහල අක්ෂර ක්‍රමය, එයින් පසුව පිළිවෙලින් ග්‍රන්ථ අක්ෂර ක්‍රමය හා පසුව පැමිණි කදම්භ-පල්ලව අක්ෂර ක්‍රමයන්ට නෑකම් කියයි. බ්‍රාහ්මී අක්ෂර යනු පුරාණ සෙල්ලිපි වල භාවිතා වූ අක්ෂර මාලාවයි. එසේම එම බ්‍රාහ්මී අක්ෂර මාලාවෙන්ම විස්තෘත වී පැමිණ ඇති කණ්ණඩ, මලයාලම්, තෙළිඟු, දෙමළ හා දේවනාගරී යන ඉන්දු-ආර්ය අක්ෂර මාලාවන්ට ද සිංහල භාෂාව කිට්ටු සම්බන්ධකම් පෙන්වයි.

  

පැරණිතම සිංහල අක්ෂර මාලාව වූ සිංහල ප්‍රාකෘතයේ පුරාණතම භාවිතාවයන් දක්නට ලැබෙන්නේ ක්‍රිස්තු පූර්ව තුන්වන සියවස තරම් වූ ඈත යුගයේදීයි. ඒ බුද්ධාගම ලංකාද්වීපයට ලැබීමත් සමගයි. එයින් පසුව පාලි භාෂාව හා ත්‍රිපිඨක ධර්මය යන කාරණා ඔස්සේ සිංහල භාෂාව හා අක්ෂර මාලාව විකාශණය වී ඇති බව පෙනී යයි.

සිංහලයේ පරිණාමය පහත පරිදි කොටස් හතරකට බෙදා දැක්විය හැකියි.

සිංහල ප්‍රාකෘතය - ක්‍රි.ව. තුන්වන සියවස වන තෙක්
මූලාකෘත සිංහලය         - ක්‍රි.ව. 3 වන සියවස සිට 7 වන සියවස තෙක්
මධ්‍යතන සිංහලය   - ක්‍රි.ව. 7 වන සියවස සිට 12 වන සියවස තෙක්
නූතන සිංහලය - ක්‍රි.ව. 12 වන සියවස සිට වර්තමානය තෙක්

  

සිංහල අකුරු මේ තරම් ලස්සන කුමක් නිසා දැයි ඔබ මොහොතක් වත් සිතා තිබේ ද ? සිංහල අකුරු වටකුරු හැඩයට විකාශණය වී ඇත්තේ පුරාතනයේ එය ලේඛණගත කරන ලද සම්ප්‍රදායන්ට අනුගත වෙමින් බව පෙනී යයි. අතීතයේදී සිංහල භාෂාව අක්ෂර ලෙසින් ලේඛණගත වූයේ පදම් කරගත් තල් කොළ මත බව ඔබ දන්නවා ඇති. තල් පත් මත ලිවීමේදී සෘජු රේඛාවන් ඇඳිය නොහැකි වූයේ තල්පත ඉරී යන නිසායි. ඒ නිසා තල් පත් මත ලිවීමේ පහසුව සඳහා සිංහල අක්ෂර මාලාව වටකුරු හැඩයට විකාශණය වී තිබෙන බව පෙනී යයි.

  

ශ්‍රී ලංකාව තුළ හා එයින් පිටතට සංක්‍රමණය වූ සියල්ලන්ම එක්ව ගත් විට, සිංහල භාෂාව භාවිතා කරන්නේ මිලියන 16 ක් තරම් වන ඉතා සුළු ප්‍රමාණයක් පමණි. ලෝකයේ අනෙකුත් භාෂා හා සසඳා බැලීමේදී මේ අඩු භාවිතාවය නිසා සිංහල භාෂාව අනාගතයේ දී වැනසී යෑමේ අවධානමට මුහුණ දී ඇති භාෂාවකි. ඉතිහාසය ගෙන බැලීමේදී පෙරදී අපටම අනන්‍ය වූ සිංහල ඉලක්කම් ද තිබුණු බව පෙනී යයි. නමුත් 19 වන ශත වර්ෂයේ මුල භාගයේදී පමණ ඉංග්‍රීසි ක්‍රමයට අනුගත වෙමින් අප හින්දු අරාබි ඉලක්කම් භාවිතා කරන්නට ගැනීමත් සමග ඒ අපේ ඉලක්කම් අභාවයට ගොස් තිබේ. එසේම තවත් උදාහරණයක් දක්වතොත්, පෙර යුගයන් හිදී නැවතීමේ ලකුණ ලෙස භාවිතා කරන ලද කුණ්ඩලිය (෴) නම් වූ අක්ෂරය ද මේ වන විට භාවිතයෙන් ඉවත් වී තිබේ.

අපේ මව් බස වන සිංහලය පාළි, සංස්කෘත ආදී ප්‍රාචීන ආර්ය භාෂාවකින් බිඳී ආවකැයි සැලකේ. එය ඉන්දු ආර්ය භාෂා ගණයට අයත් බසක් බව විද්වත් මතයයි. ඒ අනුව බැලීමේදී සිංහල භාෂාවට සිංහල ජාතිය මෙන්ම දීර්ඝ ඉතිහාසයක් තිබේ. අද අපි භාවිතා කරන ව්‍යවහාරික සිංහල බස ඉන්දියානු ආර්යකරණය නිසා නවීකරණයට ලක්වූවකි. නමුත් ඉන්දු ආර්යයන් ලංකාවට පැමිණීමට පෙර සිට (මහින්දාගමනයට පෙර) අප මුතුන් මිත්තන් හෙළබස නොහොත් යක්ෂ ගෝත්‍රික භාෂාව භාවිතා කර ඇත. අප අදටත් භාවිතා කරන ඔළුව, කට, බඩ ආදී වචන සංස්කෘත හෝ පාලි හෝ වෙනත් එවැනි භාෂාවක දක්නට නොමැති අතර ඒවා හෙළ බසින් පැමිණි ඒවා‍ ලෙස සැලකේ. එමෙන්ම මාල දිවයින් වැසියන් භාවිතා කරන භාෂාව හෙළ බසින් සම්භවය ලබා අරාබි මුස්ලිම් සංස්කෘතියෙන් විස්තෘත වූවක් සේ සැලකිය හැකියි. මේ අනුව පෙනී යන්නේ ප්‍රාග් ‍‍ඓතිහාසික යුගයේ පවා අප දියුණු බසක් භාවිත කර ඇති බවයි. අද ලොව පුරා අස්සක් මුල්ලක් නෑර පැතිර ඇති අන්තර්ජාතික භාෂාව ලෙස සැලකෙන ඉංග්‍රිසිය භාෂාවක් වශයෙන් ගොඩනැගෙන්නට පෙර සිටම අප ජාතිය බසෙන් පොහොසත්ව සිටියෝය.

ඈත අතීතයේ සිටම ඉතා දියුණු බසක් ලෙස, ප්‍රායෝගිකව භාවිතා කළ සංකීර්ණ අක්ෂර මාලාවක් ලෙස සිංහල භාෂාව හා හෙළ අකුරු බොහෝ දුරක් පැමිණ තිබේ. ලිඛිත භාවිතාවයන් අත්හැර අද්‍යතන ලෝකය ඩිජිටල් යුගයකට අවතීර්ණ වී ඇති අපේ කාලයේ දී මේ ලස්සන, වටකුරු සිංහල අක්ෂර නව ආරකින් ඉදිරියට ගෙන යෑම සඳහා වර්තමානයේ භාවිතා වන්නේ ඩිජිටල් අවකාශයයි. අන්තර්ජාලය තුළ ද, පරිගණක හා ස්මාට් දුරකථන ආදී ජංගම උපාංගයන් හි සිංහල භාවිතය වැඩි දියුණු කිරීම හා ඒ සඳහා දිරි දීම අපගේ මවු භාෂාවට කරන සේවයක් ලෙස සැලකිය හැකියි. ඒ අරමුණ සඵල කරගැනීමට නම්, හැකි සෑම විටම සිංහල භාෂාවෙන් වැඩ කිරීමට ඔබ අප සැම දෙන අධිෂ්ඨාන කර ගත යුතුය.

හෙළකුරු භාවිතා කරමින් සිංහල අක්ෂර අනාගතයට රැගෙන යන ඔබ සියළු දෙනාටම ස්තුතියි... 

ඉතින්...
එකතු වෙමු අපි සැවොම...
අන්තර්ජාලයේ සිංහල වපුරන්නට...!!!

෴ ෴ ෴
මූලාශ්‍ර :
https://matadornetwork.com/abroad/5-beautiful-endangered-alphabets/
https://sirimunasiha.wordpress.com/2012/01/02/the-script-of-sri-lanka/
http://www.ancientscripts.com/brahmi.html
https://en.wikipedia.org/wiki/Sinhalese_language
https://en.wikipedia.org/wiki/Sinhalese_alphabet

Thursday, January 12, 2017

හෙළකුරු ශ්‍රී ලාංකිකයන් මිලියන දෙකකට තම වගකීම ඉටුකරයි



හෙළකුරට අන්තර්ජාලය තුළ ඇති වගකීම, එනම් වැඩි වැඩියෙන් සිංහල බස අන්තර්ජාලය තුල ප්‍රචලිත කිරීමේ සමාජ මෙහෙවර වර්තමානය වන විට ශ්‍රී ලාංකිකයින් මිලියන දෙකක් තරම් වූ ඇති විශාල පිරිසකට ළගා කරදීමට හැකි වූ බව සදහන් කරනුයේ ඉතාමත්ම අභිමානයකිනි

අද දින වන විට හෙළකුරු යෙදුමට වසර පහක් ගතවී ඇත. පස් වසරක් සපුරන හෙළකුරු වල වටිනාකම තවත් වැඩි වන්නේ දිනෙන් දින වැඩි වූ පරිශීලක සංඛ්‍යාව වර්තමානය වනවිට මිලියන 2 පසු කර තිබීමයි. ලංකාවේ භාවිතා වන මුළු ස්මාර්ට් ජංගම දුරකථන සංඛ්‍යාව හා සසඳන විට මිලියන 2ක් යනු ඉතාමත්ම විශාල කඩයිමකි. අප සැමවිටම ශ්‍රී ලාංකීය අනන්‍යතාවයට වැඩි ඉඩක් ලබාදෙන ආයතනයක් වශයෙන්, මිලියන දෙකකට අධික වූ ශ්‍රී ලාංකේය ජනතාවක් අපගේ හෙළකුරු යෙදුම හරහා සවිබලගැන්වීමට ලැබීම ගැන අප තුළ ඇත්තේ සතුට මුසු වූ ආඩම්බරයකි.
ආරම්භයේ සිටම අප සමග නිරන්තරයෙන් බැඳී සිටිනා අපගේම ආදරණිය ශ්‍රී ලාංකිකයෙනි, ඔබට අපගේ හෘද්‍යාංගම ස්තුතිය!









Sunday, January 1, 2017

2017 නව වසරට Bhasha වෙතින් ඔබට පුංචි තිළිණයක්...




ශ්‍රී ලංකාවේ සියලුම නිවාඩු දිනයන් සහිත ඩිජිටල් දින දසුන් යෙදුමක් අප විසින් ඔබට මෙම අවුරුද්දේ ප්‍රථම දිනයේදීම ලබා දෙන්නෙමු.

මෙම දින දසුන් යෙදුම Android සහ Apple ජංගම දුරකතම මාදිලි දෙවර්ගයටම ගැලපෙන පරිදි සකසා ඇති අතර අප විස්වාස කරනුයේ  මෙම යෙදුම ඔබට ඔබගේ දෛනික ජිවිතයේදී පහසුවක් ළගා කරනු ඇති බවය.

Android දුරකථන සදහා යෙදුම බාගත කරගන්න 

Apple දුරකථන සදහා යෙදුම බාගත කරගන්න 

ඔබ සැමට සුබ නව වසරක් වේවා!



පෙර වසරවලදී මෙන්ම, 2017 වර්ශයේදී ද අප බලාපොරොත්තු වන්නේ අප ආදරණීය ශ්‍රී ලාංකේය ජනතාවගේ පහසුව උදෙසා නවතම තාක්ෂණික නිර්මාණ ඉදිරිපත් කිරීමයි. 
5 වසරක් පුරාවට අප එකතු කරගත් අත්දැකීම් මත අප හඳූනා ගත්, ශ්‍රී ලාංකේයයනට ඉටුවිය යුතු මෙහෙවර සඳහා, මෙම වසරේදී ත් විවිද වූ අභියෝගයන් වලට මුහුණදීමට සහ එම මෙහෙවර 100% ක් ඉටු කිරීම භාෂා අපගේ 2017 නව වර්ෂයේ අපගේ අරමුණයි. 
ආරම්භයේ සිටම අප සමග නිරන්තරයෙන් සමීප වෙමින්, අදහස් බෙදා ගනිමින්, හැකි උපරිම ලෙස අප දිරිමත් කෙරූ  අපගේ වටිනාම සම්පත වන පරිශීලක ඔබ සැමට, මේ ලබූ නව වසර සුබම සුබ නව වසරක් වේවායි අපි ප්‍රාර්ථනා කරමු.



Friday, December 30, 2016

ජංගම දුරකතනයේ හෙළකුරට අවුරුදු 5 යි...!




වසර 5 කට පෙර ශ්‍රී ලාංකික ජංගම දුරකථන පරිශීලකයන් හට හදුන්වාදුන් හෙලකුරු ජංගම දුරකථන යෙදුමට අද  වන විට වසර පහක් ගතවී ඇති බව අප සදහන් කරනුයේ ඉතාමත්ම සතුටිනි.

 මදකට අප මතකය මීට වසර 5 කට පෙර කාලය වෙත ගෙන ගියහොත් අපට  මතක් වන්නේ එම  කාලය තුළදී  ලංකාවට අලුතින් හදුන්වාදුන් ස්මාර්ට් ජංගම දුරකථන ඔස්සේ අප දේශීය  භාෂාව වන සිංහල, කියවීමට සහ ලිවීමට තිබූ බාධකයයි. 


එම බාධකයන් ජය ගැනීමේ අරමුණෙන් මීට වසර 5කට පෙර බිහිවූ අප භාෂා ආයතනය මගින් ප්‍රථමයෙන් හදුන්වාදුන් “Sett Browser” ජංගම යෙදුමෙන් සිංහල කියවීමටත්, ඊට ස්වල්ප කාලයකට පසු එළි දැක්වූ හෙලකුරු ජංගම යෙදුම මගින් අපට අවශ්‍ය පරිදි දුරකථනය තුළ සිංහල අකුරු ලිවීම මගින් දේශීය අනන්නයතාව සුරැකෙන පරිදි අන්තර්ජාලය තුල සන්නිවේදනය කිරීමට ඉඩ පහසුව ශ්‍රී ලාංකික ජනතාව වෙත සැලසුණි. 


හෙලකුරු නම් නිර්මාණය තුල ඉතාමත්ම පැහැදිලි සමාජීය වගකීමක් ඇත. එනම් අප මවු බස වන සිංහල භාෂාවෙහි, අන්තර්ජාලය තුල තිබිය යුතු ස්වාධීන අනන්‍යතාව සුරැකීමයි . පුරා වසර 5ක් පුරාවටම හෙලකුරු තම වගකීම නිසිලෙස ඉටු කල ලෙසම තව දුරටත් ශ්‍රී ලාංකිකයන් හට සේවාව සැපයීමට හෙලකුරු සුදානමෙන් සිටින බව අප මතක් කරන්නෙමු.


වර්තමානය වන විට හෙලකුරු ශ්‍රී  ලාංකේය ජනතාවගේ පොදු මිතුරෙකු බවට පත්ව ඇති බව අපගේ දැනෙන්නේ  නිරන්තරයෙන් අප හා සම්බන්ධ වන ආදරණිය ශ්‍රී ලාංකික පරිශීලකයන්ගේ ප්‍රසංසා සහ දිරි ගැන්වීම් නිසාවෙනි. 








Wednesday, December 7, 2016

Bhasha wins e-Swabhimani National Award for the 5th time


Bhasha wins e-Swabhimani National Award for the 5th time, counting the 15th overall Award we won as a Sri Lankan IT Company.

Wednesday, November 30, 2016

හෙළකුරු දැන් අලුත් මුහුණුවරකින් සහ නවතම විශේෂාංග රැසකින්



ශ්‍රී ලංකාවේ වැඩියෙන්ම බාගත කිරීම් ප්‍රමාණයක් ඇති හෙළකුරු දුරකථන යෙදුම සදහා ප්‍රධානතම යාවත්කාලීන (Update) කිරීමක් මීට දින කිහිපයකට පෙර අප විසින් ලබා දී ඇත. මීට වසර 5 කට පෙර හදුන්වාදුන් හෙළකුරු ජංගම යෙදුම වර්තමානය වන විට ශ්‍රී ලාංකේය ජංගම දුරකථන භාවිතා කරන්නම් අතර වැඩියෙන්ම භාවිතා වන ජංගම දුරකථන යෙදුමක් බවට පත් වී ඇති  බව තහවරු වන්නේ මිලියන  2 ඉක්මවූ භාගත කිරිම සහා මිලියනයකට වැඩි වූ දෛනික පරිශීලක ප්‍රමාණයක් නිසාවෙනි.



පෙර හෙළකුරු සදහා අප විසින් ලබා දී තිබු යතුරු පුවරු පසුබිම් කිහිපයක් වුවත් වර්තමානයේදී යතුරු පසුබිම් මුහුණුවරට ඉතාමත්ම අලංකාර පසුබිම් රූප ගණනාවක් ලබා දී ඇති අතර ඔබට අවශ්‍ය නම් ඔබ කැමති ජායාරුපයක් වුවද භාවිතා කරන්නට අවස්තාව දී ඇත. මෙහිදී ඔබට තම අභිමතය පරිදි රූපයක් තම හෙළකුරු යතුරු මුහුණුවර සදහා යොදාගත හැකිවන පරිද්දෙන් අප සහය සකසා ඇත්තේ සැමවිටම ඔබ කැමති දේ ලබා දීමට අප උත්සාහ කරන නිසාවෙනි.

හෙළකුරු, මුඋලිකවම ජංගම දුරකථන යතුරු මුහුණතක් වුවත් මෙවර අප ජංගම දුරකතන යතුරු පුවරුවකින් ලබාදෙන සේවාවන් වලට වැඩි යමක් ඔබට ලබාදීමේ පරීක්ෂණ මට්ටමේ උත්සහයක් දරා ඇත. එනම් දැනට ලෝකයේ යම් දියුණු රටවල් වල භාවිතා කරන " සියල්ල සදහා එකක්" ( All in one ) යන සංකල්පයයි.


හෙළකුරු මගින් දැන් ඔබට අකුරු කරනවාට අමතරව ප්‍රවෘති කියවීමට, ලංකාවේ ජනප්‍රියම ටෙලි නාට්‍ය නැරඹීමට, ලංකාවේ අලුත්ම Music Videos නරඹන්නට මෙන්ම හාස්‍යම  Videos නරඹන්නටද හැකියාව ඇත. 

මෙම නවතම යාවත්කාලීන කිරීමෙන් ඔබ ජංගම දුරකථනය මගින් සිදු කරගන්නා දෛනික කටයුතු රැසක්, ඔබට හෙලකුරු තනි දුරකථන යෙදුම මගින් පහසුවෙන් සිදු කර ගැනීමට පුළුවන් වී ඇති බව අපගේ විස්වාසයයි.